KUKHALWA NGABASEBENZI BAKWAMASIPALA ABADLA BABHUKULE KWIMICIMBI KAMASIPALA
KUTHIWA KUNGENELELE AMAPOLISA BEXHUTHANA NGOKUDLA EHOLWENI YEDOLOPHU EMATATIELE
Sele bethande ukuduma kakubi abasebenzi bakwamasipala kwezintsuku ngenxa yokubanomgrunu wokutya kwimicimbi kasipala. Kwiveki ephelileyo kuthiwa kungenelele amapolisa emva kokuba ebasebenzi besilwa ngokutya kumcimbi wokukhumbula amagugu nobubanjelwe kwiholo kamasipala eMatatiele. Ingxelo zithi bebezithathela ngenkani ukutya kubapheki ebebqeshelwe ukubaphekela.
Ababapheki bolusuku abakwa Zolwandle cateres (nekungelo gama labo lokwenyani)bakungqinile oku besithi abazange bayibona into enje. Ukanti nomnye umsebenzi walomaspala nobethetha neliziko emnxebeni uthe senzekile esisiganeko.
“Ndibone kugaleleka amapolisa emva kokuba abasebenzi beshiye indawo zabo zokuhlala emva kwemizuzu nje abapheki bengene eholweni nokutya. Babonakale beqonda ngqo kubapheki bezithathela ukutya obekuphakwe ngezitya zeplastic.
Buti xa kuthethwa ngabasebenzi bakwamasipala nokutya uvele ungazi noba ingqondo iyemnka na. Se ndade ndayeka nokutya kwizinto zabo kuba kaloku bavele babengathi ngamaxhalanga ebona ihashi elifileyo”, utshilo umsebenzi.
Kwelinye icala omnye wabasebenzi ekucaca ukuba imkhathazile lento uSanele Aha Ekhaya Ndevu ude wayibhala kwikhasi lakhe lezonxebelelwano (uFacebook). USanele Ndevu ubhale wathi Abantu bakwamaspala nokudla kwi events anifuni nje ukusikhupha ekthetheni. Ibeyingxoxo eshushu kwikhasi lakhe kusithiwa bavele babengathi ngamaxhalanga efumene ixhoba xabebona ukutya. UNdevu akafumanekanga ukuphefumla ngalombhalo wakhe.
Ukanti inkokheli yabasebenzi uMbali Mafunda ubakhusele abasebenzi esithi akuyonyani ukuba kwabizwa amapolisa. Uthe yabangabasebenzi abahlalisaphantsi abanye abasebenzi kuba kwasele kungene abantu bangaphandle bezotya apha eholweni.
Ingxoxo kwikhasi likafacebook likaNdevu zithe omaspala bonke bathiwe ngabasebnzi abenza undibonwayini xa bebona ukutya. Umthobeli Letuka uthe “Yoh kweza meetings ziba kula boardroom, niba yi 15 kwi meeting nge lunch theti fo, hay hayi ndiyanijaja, kanti nithengani ngala mali eninsi nidume ngoba nayo”
ULetuka ungqinelwe nguElprof Makatise “yileyo kanye leyenzekayo bra, abantu bacupha izikhathi zokugawula. Ubone sekuthe vumbu abantu ebeko vcafe who were never part of the event, u organizer we event Xa ezama ukulawula lonto kubengathi uthethela ukutya”
Ngomhla wethoba kuAugust kumcimbi wokubhiyozela usuku lwamakhosikazi kwalapha eMatatiele yabasisikhalo into yokutya nalapho kuthiwa abantu abanintsi bahamba bengatyanga kuba abasebenzi bakwamasipala nabakwarhulumenete bakuthatha ukutya bakufaka ezi bhuthini zemoto zabo.
UKUBA IMEKO ILOLUHLOBO UCINGA UKUBA MAKUQHUTYELEKWE NOKUPHEKA KWIMICIMBI KARHULUMENTE?
